افتكرينى .
.وانتى في دنيا جديده عليكى
..
لما الايام تلعب بيكى
لما دموعك تنزل جرى وتجرح فيكى
لما الفرح يخاصمك ويبقى الحزن كل ما ليكى
افتكرينى
انى اديتك مره الفرحه وانتى معايا
انى عشقتك بكل كيانى ومن جوايا
انك كنتى كل نجومى وفرح سمايا
بس هوايا مكانش كفايا
افتكرينى
وانا مش عاوز انى افتكرك ..انتى معايا
دايما جمبى بسمع همسك وعايش لسه احلى حكايه
ولسه مضيع عمري معاكى
ع ذكراكى
وعايش ع ايامنا ومع احلامنا
ومش هنساكى
افتكرينى
لما تشوفي كلامى في بعدك
دم وسايل
ويوصل قلبك فكره وذكرى
في بعض رسايل
اوعى تحسي انى كرهتك او استاهل
جرح يصحي كل جروحى
ويقتل بيها قلبي المايل
افتكرينى
وعد ومهما تعدي سنين
هفضل كلي هيام وحنين
عايش قلب وحيد مسكين
بعدك حته لما بفرح
فرحي في بعدك
كله انين
افتكرينى
ليست هناك تعليقات:
إرسال تعليق